Աբովյանի հ․2 հիմնական դպրոց

Հանդիպում ոստիկանի հետ

Հոկտեմբերի 27th, 2017

2017 թվականի հոկտեմբերի 27-ին ԱԳԲ ավագ տեսուչ Հասմիկ  Խաչատրյանը   Կոտայքի  մարզի  Աբովյանի N 2 հիմնական դպրոցի 8-րդ դասարանում   անցկացրեց <<Հանցագործությունը և անչափահասը>>  թեմայով զրույց` նպատակ  ունենալով  բարձրացնել  անչափահասների  իրավագիտակցությունը, կանխել անչափահասների կողմից կատարվող հանցագործությունները և իրավախախտումները, ինչպես նաև նրանց մեջ սերմանել ՀՀ օրենքները հարգելու գաղափարը:

 

 

Համապետական շաբաթօրյակ

Հոկտեմբերի 23rd, 2017

Դպրոցի ուսուցիչները,աշակերտները մեծ ոգևորությամբ մասնակցեցին համապետական շաբաթօրյակին՝ մաքրելով դպրոցի տարածքը, իսկ աշակերտների և ուսուցիչների մի մասն էլ մասնակցեցին դպրոցին հատկացված հուշարձանի տարածքի մաքրման աշխատանքներին:

 

Մեր հերթական հաջողությունը

Հոկտեմբերի 17th, 2017

Կոտայքի մարզի Աբովյանի N2 հիմնական դպրոցը հերթական անգամ  գրանցեց իր հաջողությունը՝ 6-րդ և 9-րդ դասարաններում մասնակցելով Իթվինինգ պլյուս  ծրագրի շրջանակներում անցկացվող ծրագրերին(ուսուցիչ՝ Լ.Ավագյան),որի արդյունքում արժանացավ ազգային որակի հավաստագրի՝ «Պատմության խոսուն վկաները» նախագծին Աբովյանի N2 հիմնական դպրոցի 9-րդ դասարանցիների ակտիվ մասնակցության համար և ազգային որակի հավաստագրի՝ Աբովյանի N 2 հիմնական դպրոցի 6ա դասարանի աշակերտների՝ <<Թվաբառ>> մաթեմատիկական նախագծին ակտիվ մասնակցության համար:

Շնորհավորում ենք և մաղթում,որ հաջողությունները շարունակական լինեն:

Ծառատունկ

Սեպտեմբերի 23rd, 2017

2017 թվականի սեպտեմբերի 23-ին աշխույժով էր լցված Կոտայքի մարզի Աբովյանի թիվ 2 հիմնական դպրոցի բակը: Ուսուցիչներն ու աշակերտները հերթական անգամ իրենց սերն ու նվիրումն էին արտահայտում կեսդարյա կրթօջախի նկատմամբ՝ դպրոցի բակում տնկելով 50-ամյակը հավերժացնող եղևնին,որը պիտի ամրանա,ծլարձակի և իր մշտադալար սաղարթի սոսափով ողջունի հետագա,ով գիտե,դեռ քանի՜ 50-ամյակ:

Բարի երթ քեզ,մեր կեսդարյա հարազատ:

Հայոց պետական խորհրդանշաններ

Սեպտեմբերի 13th, 2017

<<Դպրոց-կենտրոնների միություն>> իրավաբանական անձանց միությունը իրականացնում է <<Հայոց պետական խորհրդանշաններ>> խորագրով միջոցառումների շարք ՀՀ դպրոցներում: Այդ ծրագրի շրջանակներում Աբովյանի հմ. 2 հիմնական դպրոցի  9բ դասարանում կազմակերպվեց << Հայոց պետական խորհրդանշաններ >> խորագրով դաս: Դասը վարեց հայոց լեզվի և գրականության ուսուցչուհի Տաթևիկ Հովհաննիսյանը: Դասի նպատակն էր նպաստել աշակերտների շրջանում հայրենասիրական ոգու դաստիարակմանը, խորհրդանշանների արժևորմանը, հայոց մշակութային ժառանգության գնահատման ու պահպանմանը:

Դասի ընթացքում աշակերտները ներկայացրին իրենց  խմբերի աշխատանքները՝ հետաքրքիր և յուրովի մեկնաբանություններով:

Ներկայացվեց ՀՀ պետական դրոշի, զինանշանի, օրհներգի նկարագրությունը և կարևորությունը:

Շնորհավոր գիտելիքի օրը

Սեպտեմբերի 1st, 2017

Շնորհավորում ենք Աբովյան քաղաքի թիվ 2 հիմնական դպրոցի ուսուցիչներին,ծնողներին,աշակերտներին և բոլոր շրջանավարտներին հարազատ կրթօջախի 50-ամյակի առթիվ: 50-րդ անգամ դպրոցը կարոտով իր դռները բացեց աշակերտների և մեր առաջին դասարանցիների առջև:Բոլորին մաղթում ենք գիտելիքներով ու ձեռքբերումներով լի ուստարի:

Ծնունդդ շնորհավո՛ր,հարազատ դպրոց:

Մաքուր Հայաստան

Մայիսի 30th, 2017

«Մաքուր Հայաստան» ծրագրի շրջանակներում մեր աշակերտները ևս մասնակցեցին համապետական շաբաթօրյակին՝ մաքրելով դպրոցի տարածքը և դպրոցին հատկացված հուշարձանի տարածքը…